ԳԵՎՈՐԳ ՄԱՆԱՍՅԱՆ

• Կոմպոզիտոր, դաշնակահար

1977 թվականին ավարտել է Երևանի պետական կոնսերվատորիայի դաշնամուրի և դիրիժորական բաժինները։ 1978-1983 թթ․ աշխատել է Թ․ Ալթունյանի անվան երգի-պարի անսամբլում որպես գործիքային մասի ղեկավար, 1991-1994 թթ.՝ երաժշտական մասի, 1994-1997 թթ.՝ ՀՀ հեռուստառադիոպետկոմի Արամ Մերանգուլյանի անվան ժողովրդական գործիքների, 1996-1998 թթ.՝ «Հին Երևան» վոկալ-գործիքային անսամբլի, 1989–1993 թթ. և 2000 թվականից՝ Հայաստանի գուսանական և ժողովրդական երգի անսամբլի գեղարվեստական ղեկավար և գլխավոր դիրիժոր։ 1984 թվականից միաժամանակ դասավանդում է Ռոմանոս Մելիքյանի անվան երաժշտական ուսումնարանում, 1996 թվականից՝ նաև կոնսերվատորիայում։ 1980 թվականից Հայաստանի կոմպոզիտորների միության անդամ է։

Գրել է դաշնամուրային տրիո, երկու դաշնամուրային կոնցերտ, երկու կոնցերտ քանոնի համար, պարային և երգ-պարային մեղեդիներ (Վահան Տերյանի, Եղիշե Չարենցի, Հովհաննես Շիրազի խոսքերով), էստրադային և ժողովրդական երգեր, օրհներգ՝ Եվրոպայի թեթև ատլետիկայի մրցումների համար։